同女神梁咏琪拍MV兴奋又紧张　张文杰呻难抽离角色：挂住佢几日

2021-09-06 21:00

动作演员张文杰（German）近日为姜涛及肥仔（梁业）合唱新歌《特务肥姜2.0》的MV演出，因骚肌同两人对打而引起关注，人气急升！早前，German又获其「女神」梁咏琪（Gigi）邀请，为新歌《流金岁月》拍MV，他兴奋表示紧张咗几日：「拍摄当日坐车到现场时，仲好紧张，我好耐冇试过咁紧张！我好喜欢睇《初恋无限Touch》，希望有一日做佢嘅沈志康（陈晓东戏中角色名称），仲好记得佢唱《几分钟的约会》。」

提到起初以为有动作打斗场面，未料导演Maggie指是演绎前夫一角，回顾婚后甜蜜幸福的画面，German直言心情极为复杂：「好兴奋又好胆心，除咗动作戏份，我一直都想挑战唔同嘅角色，但胆心自己演得唔好，因为我从未试过演绎咁温馨嘅角色。」拍摄当日，他见到Gigi时即投入角色，「已经唔可以尴尬，要忘记紧张，只系全程投入，已经当咗Gigi系我最爱嘅人，望住佢，幻想同佢一齐时候嘅美好，一路感觉到好甜美。」