王丽嘉金发遮胸劲有型 王曼喜露背揽实未婚妻老窦见晕

王敏德同马诗慧有两个女一个仔，两姊妹都好受巴打欢迎，因为佢哋好锺意玩IG，又好锺意Po性感相去IG，有别港女Po性感相胆拖一堆懒感性文字，王氏姊妹花好Free，随意贴又唔会作状地写一堆嘢，IG几好睇㗎。

26岁细妹Irisa前日出席活动时自爆同设计师男友Daniel喺4月时分咗手，原因听佢点讲，「有啲嘢唔系好夹，同埋佢好细个，佢细我两年。其实我锺意自己一个，开心啲，哈哈！」分咗手4个月当然乜事都冇，阿妹仲放咗啲帮杂志影性感相嘅花絮照到IG，半裸但金色长发啱啱好冚住个巨胸，好外国Fashion杂志Feel，放咗成日得3千8个Like，少咗啲。

29岁嘅家姐王曼喜（Kayla）下年会喺美国结婚，目前就喺美国同未婚妻叹紧世界，日日食买玩超开心。今日佢就Po咗两张相，相中未婚妻Elaine揽住露背嘅Kayla喺厕所影相，Caption系「You’re stuck with me(你被我困住嘞」，构图几得意，不过王敏德好似唔系好接受到，留咗个晕嘅Emoji，咦，仲未惯咩Uncle?