锺舒漫索偿胜诉庭外受访 陈洁玲中途插入被锺舒祺直斥冇礼貌

锺舒漫（Sherman）与前港姐陈洁玲去年因投资生意发生纠纷，锺舒漫为4万港元而入禀小额钱债审裁处追讨款项。今日进行判决。锺舒漫早上先由男友林灏轩及胞妹锺舒祺陪同下抵达，数分钟后陈洁玲与老公谢趠泛（Victor）亦到达大楼。最后判决指陈洁玲违反拆夥协议，裁定锺舒漫胜诉，获得索偿费43,560元及诉讼费1,183元。而法官提到锺舒漫所提交的投诉信指陈洁玲在法院范围内拍摄她，但陈洁玲当场否认，法官提醒锺舒漫若有需要可报案处理。

锺舒漫与妹妹锺舒祺一起接受访问，谈到获得胜诉的心情，锺舒漫坦言一向有信心，只能有待案件完结才可分享感受，反而觉得身边不时发生戏剧性事情，令家人感到疲倦。可会吓怕再跟别人合夥做生意？锺舒漫说：「唔会，但系我上咗好大嘅一课，各方面要了解对方嘅背景。希望事件真系完结！」此时，陈洁玲与老公突然出现，并要求一齐做访问，锺舒祺一口拒绝：「你真系唔受欢迎。」但陈洁玲未有理会，令到锺舒祺不满说：「你咁样做真系好冇礼貌！」锺舒漫随即与妹妹锺舒祺行开，陈洁玲成功骑劫访问。

陈洁玲表示尊重法院的裁决，又承认一直以来跟锺舒漫沟通出现问题，当初应承给予货品，其后要求对方签协议书，原来自己违反拆夥协议，所以愿意给予索偿费及诉讼费用：「我唔会上诉，因为银码好细，其实争拗系好小嘅事，我觉得成件事中间夹杂咗佢嘅男友喺沟通上有误会，我原意唔系想跟佢敌对，由诉讼期间有多次嘅沟通同和解，我好愿意畀返钱佢，好遗撼拒绝同我哋和解，先至去到呢个局面。」

事件过程中陈洁玲坦言情绪上波动多，有时会闹对方，大家亦有互相伤害，今日为止到此完结，若然对方感到伤害，愿意跟对方道歉：「我知自己脾气同EQ唔系咁好，今次觉得系好好嘅学习，学识点同人沟通。如果有个执念系自己惩罚自己。我唔会对任何人有憎恨，希望佢唔好有执念同憎恨，我当初同佢沟通唔好，令佢受到伤害，我愿意同佢道歉，我只系普通人，唔叻同人沟通，脾气又唔好。」

对于陈洁玲一再要求想当面向锺舒漫道歉，其后记者代为转述，锺舒漫断言说：「唔使，心领啦！」谈到被陈洁玲骑劫访问，锺舒漫坦言真的很戏剧性，不过对方经常做出好惊奇的事：「呢一年最攰系佢成日做出令人莫名其妙嘅事，法官讲出判词都好清晰，反而真系好想个戏剧完啦！（陈洁玲表示想跟你道歉？）如果真心，我当然好接受，最紧要真心，希望佢将来唔好咁样做人。反而边个对边个执念唔太知，因为调番转成日觉得佢唔想放过我哋呢边，一路都同外界讲我哋骚扰佢，其实系零！」

今次索偿只要求收回成本价，她坦言只想对方为事件负责任，其实四万多元只是小数目，在法庭上多次表示愿意和解，若对方真心愿意接纳也认为事件应完结，问到生意纠纷事件完结，可会开香槟庆祝？她说：「日日都好忙，但我真系晚晚饮！今日正式完结，都会食餐饭。不过家人都会问件事，依家可以好完满，可以讲唔使再担心啦！」

后来，又问到她投诉指陈洁玲在法院范围内拍摄她，她表示有次在法院内的玻璃房间内整理文件时，现场有证人及同行朋友等，发现陈洁玲以电话拍摄他们：「嗰阵有朋友喺房外见到佢用电话拍摄我哋，其实法庭有CCTV，我哋唔会乱讲，不过唔会报警。」至于会否因今次事件令双方反目而感可惜？她说：「做朋友要睇值唔值得，本来同Victor系朋友，都好失望。今次睇到好多关系，但我身边好多朋友、家人都冇得顶。呢件系无聊事，上咗人生一课，以后会小心啲。」