网民嗌惊喜丨梁朝伟以广东话接受国际版杂志访问 为《尚气》探讨人性

漫威首部由华人主演的新片《尚气与十环传奇》于今日上映，戏中一众演员不时四出为电影进行宣传，梁朝伟早前接受一本男士杂志国际版的访问时，虽然伟仔本身讲得一口流利英语，但他竟然选择全程以广东话接受访问，令到不少网民留言觉得惊喜。在访问上，伟仔分享演出《尚气》的感受外，还谈及多年来演出的难忘角色。

伟仔表示今次的角色本身是一个大坏蛋：「因为大家都知佢系咁嘅人，所以我尝试喺人性里面去创作，探讨吓佢嘅内心，点解会变咁嘅人？到佢有咗super power之后，开始搵番佢嘅自尊，但当得到自尊之后，好容易变咗终极自恋狂，听唔到人哋讲乜嘢，亦因为喺戏入面有啲遭遇，佢会将呢啲嘢迁怒喺人哋身上，我觉得好反射到人格，因为呢啲嘢先变咗做大坏蛋，希望大家会睇到啲唔一样嘅感觉。」

重提李安执导的《色，戒》，梁朝伟笑说： 「初初李安搵我，话love scenes，嗰阵我心谂，我都做咗几十年戏，有love scenes有乜嘢奇，点知到拍摄时先知，哗，原来系咁大胆。」接着伟仔亦提到与王家卫合作拍《春光乍泄》：「其实我每次同王家卫合作，开头得到嘅资料都系好少，因为佢嘅工作方式系一路拍，一路发展，最初喺《春光乍泄》嘅角色唔系同性恋，我爸爸先系同性恋，而佢有个情人系张国荣，喺我爸爸过咗身，先知道有呢个人。点知我拍咗好多饮醉酒嘅戏，拍咗一星期左右，王家卫同我讲：『你都系演同性恋比较好。』」他续说：「呢个就系我哋嘅相处方式，开始嘅时候唔会有咁多限制，慢慢先去讨论。」

伟仔亦拍过不少动作戏，当中不得不提当然是与吴宇森和周润发合作的《辣手神探》，单单是一场医院戏，他表示起码拍了超过40日，亦试过被玻璃碎整伤眼睛。后来到了拍《一代宗师》，伟仔被武师不小心弄伤了手：「嗰阵真系好唔甘心，我练咗好耐，已经准备好去拍，点知整断咗，之后我冇理只手康复未，走咗去做gym，结果伤口埋得唔好，喺我以为自己好番嘅时候，又畀武师踢断咗，嗰次之后，就乖乖哋休息咗3个月。」