Juicy叮｜工龄10年月薪得1.2万 中五毕业网民呻：点解个个话万五系基本

网民的月薪高低近日成为网上热话，有网民在facebook专页「奴工处」发文大吐苦水，入职6年月入只得1.2万元，老板还嫌人工「高」常被揶揄出去无法生存，引发热议。

有网民称，「讨论区啲人讲到份份工万五蚊系基本咁，重话谭仔姐姐都有万六收入」，但据他观察劳工处的职位很多都是月薪8000至9000元，有些1.1万至1.3万元但样样事都要兼顾，肯出到1.5万至1.6万的工作真的很少，而且最低要求都要公开试五科合格或大学毕业。

发文者呻，「究竟系啲人离地定点，不过都肯定与我无关」，他中五毕业但没有五科会考成绩合格，「有时都好羡慕人哋有万五以上人工，好似我咁做咗大大话话十年嘢，依家份工做咗6年，人工都系万二咗右扣埋强积金其实都系万一蚊」，发文者又不忿，「我老板重要嫌我人工『高』，成日寸我出到去搵唔到嘢做」

有网民质疑发文者不求上进，「离地嗰个系你....」、「真系有全职工作仲系8-9k?我以40蚊时薪计，一日做10小时，一个月返26日都10400。如果你话人生有起跌，做咗10年跌咗落黎我理解。但如果keep住都系咁，而你唔系因为要排公屋。咁你真系要检讨一下自己系咪浑浑噩噩过咗10年了。」、「其实唔好赖五科唔及格，其实有十年工作经验，就已经可以揾到份更好，除非你工作表现好差罗」

有网民更建议发文者再培训，「做十年得11k仲唔转做其他职位。点生存落去？去学返一技之长啦，可以叫高啲价钱」、「学历无、特殊技能又无好难比高价你喎，一系考车牌揸巴士，一系夜校上HD，degree」、「中五毕业无五科合格已经解释咗啦，不如转做水电啦, 做文职系甘上下啦甘嘅学历」

帖文转载自奴工处