Juicy叮｜奶奶欲自制月饼遭老爷怒斥嘥钱人妻想帮口被老公闹多事

2021-08-27 15:12

中秋佳节将至，有人会购买月饼，亦有人会花心思自制月饼。不过有人妻就指，奶奶今年想「健康啲」而欲自制月饼，但就惹来老爷极力反对，指又贵又浪费时间；人妻曾想撑奶奶，丈夫却指责她不应多事！

该名人妻在「香港讨论区」上，以「奶奶话佢要自己整月饼」为题发文，指奶奶今年中秋希望食得健康啲，故打算自制月饼；人妻亦支持奶奶，「起码自己知落咗啲咩材料呀嘛」。不过老爷闻言后竟直斥「买咪得罗，整咁嘥时间，买一盒返嚟都唔系咁贵，你自己买材料再买模仲贵过买盒月饼」。

人妻本来想帮口撑奶奶，却被丈夫责备「唔好咁多事」，「仲话我哋咁锺意食月饼买够一人5盒畀我哋食」。她表示，曾在网上了解过月饼的做法，认为不是太难，对老爷及丈夫坚决反对表示不解，「但系我老公就唔畀我哋自己整仲要闹我哋。」

帖文引起网民讨论，有人支持楼主奶奶，「奶奶有啲世艺（细艺）仲好，唔系好唔好食嘅问题」、「唔系下下都用钱衡量，唔通楼下两餸饭平过自己煮，就日日食两餸饭咩」、「奶奶应该退咗休，搵啲嘢做下，整畀屋企人食有咩问题？」。不过亦有人质疑是否奶奶的厨艺令人却步，「你奶奶系咪唔识煮饭所以你老公先咁冇信心？」、「可能你老公好锺意食某个牌子的月饼，惊今年and以后冇得再食，以后要食老母啲月饼。」

资料来源：「香港讨论区」