自爆经常离家出走 孙慧雪：做咗妈妈唔可以咁冲动

关心妍、孙慧雪及张美妮最近在最新一集《靓妈围炉》中大爆老公常犯的错，原来张美妮及孙慧雪婚前经常与另一半嘈交后离家出走。孙慧雪坦言与老公也是火爆之人，之前试过是一句不合即离家出走的人，雪雪记得生 bb后有一次因小事吵架，她习惯性嬲爆爆离家，落到楼下醒觉自己已是妈妈，不能再冲动：「嗰一刻我谂，死啦，两个钟后我又谷奶、又要喂bb， 走都要上返去执嘢，但系带埋bb走，剩系bb用具已经多到冇可能搬到，终于我打畀老公，叫佢落楼氹番我！跟住佢死死地气走落嚟，问我想点，我咪唯有死死地气话你揽返我！揽完我就上返去！哈哈。」

张美妮笑称自己是staycation始祖，因为婚前与老公同居，所以一吵架就无处可逃，唯有住酒店休息一下等大家冷静，不过现在有个女，离家出走这首歌已经不能唱，因为舍不得丢下女儿。关心妍反而表示自己未试过离家出走：「啲人话男人月经前紧张，系情绪易波动，凡事紧张，易疲倦，易肚饿，又要食甜嘢。我老公都几乎中晒。之前佢太紧张，我会爆佢，不过依家试得多，会慢慢知道要调解、要叫佢冷静。我始终觉得，老公系陪你走一生一世嘅人，仔女大个咗会有佢哋嘅人生，所以唔可以因为生咗仔女就冷落老公，奉劝大家，要记得两公婆一定要有返二人世界时间，夫妻关系好，仔女都会学识爱。」

讲到老公婚后不浪漫，三人就异口同声表示的确系会变懒，婚后愈来愈「是是但但」，关心妍话试过一次，老公订了一个价钱非常非常非常昴贵、体形非常非常大的专业化妆箱给她，她打开后简直想晕，听到价钱之后更爆炸，「我嗰一刻真系忍唔到系咁闹佢，因为个箱大到我系拎唔到，连我个化妆师都唔会用，使咁多钱买咁大嚿嘢畀我做咩？我平日出街都系带个袋仔！佢之后学识咗啦，仲识得喺一个可以退款嘅网上购物平台拣五件礼物畀我，唔要个啲佢去退番钱。」