又俾爱犬咬伤手指 杜如风求救朋友劝搵Dog Trainer

杜如风(Helen)近年Keep住出镜，继ViuTV真人骚《中女唔易做》后又为七师傅的《七救星》做嘉宾，加上要打理甘酒及蜜糖网购生意，但点忙都好，Helen每日都一定会陪屋企两位狗狗老板，Dee Dee及Ding Ding。

前日，Helen上载手指受伤片段，见佢只甩晒皮嘅手指有好多乾咗嘅血伤口，见到都痛，佢留言:「又比狗咬！请问有冇防止『畜虐』会嘅电话可以求救呢？」因为唔系第一次，朋友都劝佢要正视，亦有朋友叫佢搵Dog Trainer，有朋友留言:咁恶?杜如风回答:「超恶呀！成间屋佢大晒！」睇嚟Helen真系要搵专业人士帮吓手喎。