拍戏首做女一攰到误闯男洗手间如厕孙慧雪被网民质疑：有尿兜㗎喎

2021-08-15 22:00

39岁嘅孙慧雪最近忙拍新片《爱还记得》，作为妈咪级「潮妈」嘅雪雪喺戏中仲扮纯情学生妹，校服look劲有少女味，仲真实过啲中学生。

雪雪首次喺电影中担正演出，所以几乎场场戏都有她同陈国峰，她更边开工边影啲拍摄花絮相上载社交网。由于好耐未试过由朝做到晚，呢个靓妈喺社交网站留言话：「我攰到男女不分」仲附加咗条走错入咗男厕嘅大懵短片。片中有埋女助手声音导航话：「首先孙慧雪话好急尿，跟住大家睇一睇...」语毕见雪雪由男厕若无其事走出嚟，女助手提示道：「点解你去咗男厕嘅？」此刻阿雪望咗一望先醒觉走错厕所，她一脸惊恐样尴尬笑说：「我唔知呀！」

网民对雪雪嘅出错莫名其妙，有网民质疑话男厕有尿兜㗎喎！仲搞笑取笑她：「咁大懵，有色魔呀！」、「报警拉得！」有人戥她紧张：「好彩冇男人喺入面，唔系嘅话见到你，可能以爲上咗玩嘢王节目！」、「好彩冇䶢湿佬，女人去男厕就无事。」