黄秋生期待复出「剧坛」：喺呢度实现好多嘅梦想

由黄秋生、朱栢康、陈淑仪主演的舞台剧《ART呃》前晚（13 日）公演，首场完成后，秋生率领全体台前幕后谢幕，获观众大叫「加油」打气，感触良多的秋生说：「今次我特别多感触，我喺呢个舞台有好多梦想，特别喺学习嘅时候，我亦喺呢度实现好多嘅梦想。但梦想好似乐曲咁，会有休止符、会有完结嘅时候，有时演出会有不可抗力嘅中断，如果呢个系告别的话，我希望明年系一个复出。其实我平时不太感性，因为我觉得观众同演员系买卖关系，但年纪渐长有另一种感受出来，好多事不是「『应份』，中间建立了友谊、支持、爱护，喺呢度我要多谢咁多年帮我实现梦想嘅观众和制作朋友。」完骚后，秋生接受访问表示满意表现，大赞观众表现热情。

朱栢康在剧中讲出婆媳之间的矛盾，引得观众发笑，他强调自己是专业演员，非靠现实生活入戏：「现实中有冇发生过呢啲婆媳关系，都过咗去罗，唔知有冇呢？戏入面我俾黄秋生『爆樽』，过去两个月佢哋已经研究过用木棒、水管，而家练成咗『铁头功』，最怕畀佢打穿耳膜，听唔到嘢就演唔到落去。」已经有三年没有公开演出的陈淑仪，笑言享受每场演出：「我要享受足15场，场场都要过足戏瘾！头先有个位同秋生做戏嗰阵，突然听到观众笑声，估唔到呢个系笑位，冇啦啦 『焗蟹』！真系好耐都冇感受过观众嘅反应，呢个系最大嘅鼓励。」

曾经跟秋生学戏的方皓玟亦有捧场，她笑言对方未算「严师」，安心跟对方学戏：「因为我演唱会同佢哋舞台剧撞晒期，都唔敢搵佢做嘉宾！呢排都忙紧做演唱会，难得抽到时间睇骚。」至于第二晚捧场的苏玉华表示︰「今次三位演员嘅化学作用好强，见到观众嘅反应，就知系成功，而且好出色，恭喜佢哋越演越爆。」而老公潘灿良更坦言︰「我以前做过呢个剧目，有好多感觉同回忆返番嚟。」