突然有表演睇 张晋用叉凌空拮苹果

都知道张晋好身手，但冇谂过碌吓ig都有表演睇，表演咩?就系用叉凌空拮苹果。寻日张晋Po咗段片到IG，佢坐喺沙发再挥动支叉，然后抛高个苹果再拮实佢放入口，不过可能支叉拮个苹果唔太实，好难用口食，最后佢选择手拎住食。

表演完，佢叫大家试吓。留言当然系个个赞佢劲，咁真系劲嘅，大家得闲可以试吓，但小心唔好拮到自己或拮到旁边嘅人。