【独家】睇好张晋成国际武打巨星　杨盼盼呻香港电影缺资源

武打女星杨盼盼为香港开电视节目《盼你赏面》首次担任主持，邀得一众圈中好友分享影圈事。自9岁做童星、70年代先后加入佳艺电视和无綫，看尽香港电影兴衰的她，慨叹业界缺乏资源和资金，难以打出国际市场；对于武打演员青黄不接，盼盼姐却睇好张晋成为下一个武打巨星！采访：黎宝伦　化妆：李亨利　发型：谢长江 Ian Tse (Hair Trinity)　场地：The AIR (The ONE)

对于疫情令香港电影陷入「冰河时期」，嘉宾之一的田启文也担心戏院结业影响开戏，盼盼姐认为现时应与各界人士合作，「我去内地搞动作特技培训基地，以前香港动作电影打出市场，而家净做香港市场系唔得，中国市场咁大，点解唔做好呢个市场，再推出海外呢？Quality好重要，唔好再自己谂自己，应该大家一齐创作。」又指政府应认真了解行业，从而帮助香港电影圈，「其实我唔想离开香港，但内地有资金、资源，我哋真系争地方同人。」

常说香港武打演员青黄不接，过去如成龙、刘家辉、杨紫琼等均杀入国际，问近年有否看好哪位后辈？盼盼姐即点名张晋：「佢打得好靓，但时机未造就到，佢有好多时机都走咗，嗰时佢拍《英雄》替甄子丹好Fit，好有光芒，但佢必须要提升。（差乜？）我唔敢评佢，佢嘅进化得佢自己知，如果冇准备好，机会摆喺度都冇意思。」提到时有资深演员嫌新一代唔捱得，她却谓：「系制作人宠成咁啫，有啲唔捱得嘅都系市场需要、新鲜感，好似小鲜肉先令画面乾净、舒服，如果搵有经历嘅人做就好假。（锺意小鲜肉？）咁形容有少少侮辱，佢哋系新力量，一定无知㗎，要慢慢引导佢先会好。」