【姑丈变姑母？】自认性格奇怪属异类 炎明熹：好多谢你哋锺意

16岁的炎明熹（Gigi）在前晚举行的《声梦传奇》决赛当晚，以大热姿态狂扫「《声梦传奇》专业评选大奖」、「《声梦传奇》观众热选大奖」及全场总冠军「《声梦传奇》传奇新星」成为三料冠军，Gigi得奖后在台上哭成泪人，不过原来坐在台下的姑丈激动爆喊，可见他们的感情极佳。

在昨晚播出的《声梦传奇 传奇诞生》上，主持人森美提到家人的支持，Gigi大爆姑丈因照顾佢而要「变性」：「我觉得姑丈牺牲咗佢嘅性别。」搞到森美忍不住问是否要改口叫姑丈做「姑妈」？但其实原来Gigi想表达姑丈对自己的照顾是无微不至：「佢好似忍者咁分身，一日阿女、阿女、阿女咁叫我，有时佢会煮嘢食，烚鸡胸、烚西兰花、粟米捞萝卜，衫又会帮我铺好晒，又会帮我换床单，洗衫、熨衫、抽湿乜嘢家务都会做晒！」森美笑说：「佢讲到姑丈好似变咗妈妈咁，虽然佢嘅讲法有啲奇特，但系都感觉到姑丈有几咁锡佢！」

GiGi亦坦言想不到自己竟然有这么多fans支持：「我觉得自己嘅性格好奇怪，有啲人会觉得我系异类，但系好多谢你哋锺意！」比赛过后，本来GiGi准备了很多说话同大家讲，在节目上，森美笑言给时间让Gigi尽情讲，殊不知她竟然说：「我有谂过准备一啲说话，就算我唔系攞冠军又好，又或者冇攞到都好，我都希望可以录条片出嚟讲，但系我本嘢漏咗喺屋企，搞到我对手汗都出晒嚟，我几期待支咪漏电，但系应该唔会！」