【独家】处女碟获金唱片销量 陈凯咏笑谈绯闻男友出钱出力
2021-07-20 20:51 
陈凯咏（Jace）以环球「Fab Four」成员身份加入乐坛，出道3年最近终于推出处女大碟《Processing》，而且唱片在开售当日已经卖出超过一万张，销量达到金唱片数字，她开心笑说：「𠵱家终于够胆话畀人知，我系歌手！」采访：方骞平
初出道第一年的陈咏凯最怕被追问职业，对歌手嘅专称感到好尴尬，时至今日终于敢承担歌星嘅身份同职责：「处女唱片系我嘅身份证！爸爸、妈妈见证住我成为歌星都好开心，佢哋会喺亲友群组帮手同我落力做推广。」
吊「威吔」20小时
至于跟Jace传过三角恋嘅绯闻「男友」顾定轩及陈健朗都相当支持她：「其实绯闻只系得啖笑啫，大家friend咗咁多年唔会影响到关系，见面亦唔会尴尬。佢哋都有参与我出唱片嘅过程，虽然冇讲过啲乜(意见)，但大家心领神会啦！顾定轩见我出唱片好开心呀：『佢哋应该买唱片嚟支持我啦！』至于陈健朗负责执导新歌《I Wish》MV，要求她踩滚轴溜冰加吊「威吔」，拍足20小时系体力嘅考验，就算Chok亲条颈都要继续，她带笑投诉：「其实佢借啲意，本身好想整死我，所以搞到我整亲！」
關鍵字
最新回应