同黎明台上讲早餐爆笑全场　张敬轩合唱《我的亲爱》圆梦

黎明（Leon）昨晚红馆演唱会第8场请来张敬轩任嘉宾，二人都是「早餐界」的代表人物。Leon有「唔可以空肚食早餐」经典金句，轩仔因为经常分享家佣独特厨艺而成为「早餐界KOL」，两人台上讲早餐，观众笑到拍手。

Leon自言妈妈是北方人，爸爸是南方人；轩仔则刚好调转，轩仔笑说：「我哋都系南北方嘅混血儿。」然后他又对Leon说：「你就唔可以空肚食早餐，我就食完早餐都空肚！」Leon问点解？轩仔说：「屋企请咗个十分优秀嘅家务助理⋯⋯」，Leon恍然大悟。轩仔续说：「所以我哋上次食饭嘅时候，我咪食好多，食咗两份。」Leon感叹：「有时真系可以练到EQ！」全场爆笑。讲完食早餐，轩仔手舞足蹈说：「今日真系好开心，我真系无谂过可以企喺黎明嘅舞台！好神奇，只要前奏一响起，就好似坐上时光机，返到去最开心最快乐嘅时代，好多谢你今次开演唱会，令到我哋可以喺呢个美好回忆当中尝到一点甜，好重要。」

轩仔自认是Leon忠粉，说：「以前有前辈同我讲，如果遇到崇拜嘅艺人要保持距离，保持幻想空间。直至我同Leon近年食过一餐饭，之后才开始有联络。终于印证到，我2002年入行，行内每当有人提到黎明，大家都会话『佢真系好好人』。的确，Leon系我遇过、相处过嘅前辈最体贴嘅人。」他又笑言：「我一直称呼佢黎生，但佢叫我嗌佢Leon，我心谂，一嗌Leon，就想叫自己做阿May，我觉得今晚系好梦幻嘅一晚。」
合唱前Leon问唱咩歌？轩仔大卖关子：「我识唱晒你所有歌曲，今晚拣咗一首你好少喺公开场合唱嘅经典歌。虽然因为疫情唔可以同观众握手，但呢首歌都可以同大家互动，大家一定识唱同埋识做动作。今晚可以同你合唱呢经典名曲，我圆梦啦！」前奏响起《我的亲爱》，全场欢呼，轩仔问观众：「各位阿May准备好未？」全场观众立即站起来，一边大合唱「Sayonara o Sayonara o」，一边齐齐跳舞做手势，非常High爆！