拍《砂之器》MV爆喊 Jer靠阿妈打开泪腺

MIRROR成员柳应廷（Jer）推出新歌《砂之器》，Jer表示新歌以亲情为题，希望提醒听众珍惜眼前人：「同家人相处难免会有不愉快，我哋系咪可以主动踏出一步、讲一声对唔住，去缓和双方关系呢？唔好等到错过，先学识珍惜身边人。」

有别于上次《狂人日记》的疯狂演绎，Jer笑言今次MV比较「贴地」，剧情亦偏向生活化，其中与失智母亲上演的亲情戏码，令他直呼难忘：「MV最后一幕，讲到失智嘅妈妈做住一啲好爱我嘅事情，望住佢嘅背影，我有好多后悔，所以我要喺凝结嘅空气下同佢道歉。其实无声嘅『对唔住』威力最大，我都培养咗好耐情绪，先做到嗰个感觉。」

提到MV当中一幕喊戏，Jer亦坦言全靠家人打开泪腺：「当日我真系谂住自己嘅妈妈，最近因为工作，少咗返屋企，冇见一排发现佢嘅白头发同皱纹都多咗；所以拍摄时代入真实嘅画面，就好容易喊得出。」