【独家】新老板何丽全上场顺利过渡 谷娅溦肉紧发表首支曲词作品

谷娅溦最近推出首张大碟《哭墙》，这是前老板何哲图离开前为她筹备，现在顺利推出证明新老板何丽全上场后，工作未受影响，反而有更多新尝试，碟中有她首次包辧曲词作品《别再回头》，此曲早在4年前创作，可惜一直没机会发表，终于推出她好似睇住亲生BB出世，特别肉紧，加上此曲是送给被渣男伤尽的闺密，亦希望能帮到有相同经历女仔。撰文：杜淑霞 摄影：谭壹致 发型：Zap Tang @ Essensuals.hk 场地：Da Filippo Trattoria@Harbour City

谷娅溦解释因碟中歌曲《哭墙》是近期受欢迎作品，所以旧老板以此命名新碟，这碟亦是她跟前老板最后合作，「前老板整好晒，新老板帮我推出。（证明涵接好顺利？）完全冇问题，外界传啲咩腰斩呀！对于我哋嚟讲系完全冇嘅，好顺利。」


送歌俾渣男伤尽闺密


碟中唯一新歌是谷娅溦一手包办曲词作品，「其实4年前写，写畀我个闺密，佢遇着一个好渣嘅『渣男』，系咁『PUA』（全名：pickup artist）佢，不停洗佢脑，佢畀个男仔控制到完全冇咗思想冇咗自我，净系为咗佢做一切，然后最尾伤得好深，我就睇唔过眼，嗰次佢好受伤，话唔会翻转头，睇到好多嘢，佢本嚟靓靓女女，呢段时间个样残晒，呢次佢终于肯放手，就系因为佢话我唔会翻转头㗎啦！所以我就写咗首歌《别再回头》送畀佢。佢都好希望我发表，『希望呢首歌可以帮到同我一样经历过嘅女仔』。」

《别再回头》创作了4年终面世，谷娅溦感激新老板何丽全畀机会，「啱啱写完就想出，但一直苦冇机会。（怪旧老板？）又唔会怪佢，佢有佢考量同做嘢方式，可能佢觉得呢首歌要等一个时间或者机会，𠵱家终于等到啦！新老板嚟咗，我先可以出，佢都想我哋有更加多才能展示出嚟，其实我呢10几年有keep住写歌，只系冇乜机会发表，所以嚟紧会一首首发表我自己创作嘅嘢，乜嘢风格都有。」她更视新歌为亲生BB，「真系我会担心啲，出咗世之后佢凑唔凑得大，大家会唔会锺意佢，好多呢方面谂法，毕竟系自己第一首作曲作词面世嘅一首歌，我都会好希望大家会锺意。」