【争一口气】「不忿」被指消失的小鸟盛劲为「装假狗」变返巨雕

2021-07-02 02:30

前机师盛劲为(Keith)与孔德贤参加TVB《明星运动会》游泳项目50米自由式及4乘50米接力赛，盛劲为着住条细码三角泳裤，激「凸」程度明显唔及孔德贤，孔德贤着嗰条湖水蓝紧身短泳裤，贴到连「巨雕」都「凸」晒出嚟，搞到31岁猛男Keith相形见拙，仲被取笑系消失的「小鸟」！

昨晚Keith上载咗张同款三角泳裤，但角度唔同嘅相，相中见他巨咗好多！他「不甘示弱」留言叫大家睇清楚：「消失鸟？而(𠵱)家系复活的鸟，记得放大张相黎(嚟)睇清楚！」最后还抵死附加说明#而(𠵱)家知我咩料啦#我点会介意#好大对袜#角度问题。网民以为他真系触及男人最痛会好介意，好言相劝：「唔好太介意人哋讲乜，由得人哋又唔痛又唔痕！」有网民指他举动好有趣，笑指今次系Keith嘅小鸟复仇记。

盛劲为接受本报访问时笑说：「我点会介意呀！咁好玩！咁明显系塞咗对袜入去喎，不过呢条裤就有啲难睇到，大家笑得开心咪得罗！」