【革面决心】效法崔建邦打拳洗底张致恒踼走渣男靠同大J打擂台

2021-06-28 17:43

被爆好「食」女，曾一脚踖5船嘅张致恒（Steven）形象大插水，加上负债累累，被债主Naomi公开追数，身败名裂得冇晒Job做，但为咗养妻活儿及还钱，近日密密返内地登台，虽然仔细老婆嫰，但为咗跑街数就连拳赛都唔放过。锺培生及林作今日出席拳赛记者会，席间宣布张致恒会与网络红人大J对战，Steven透过短片表示希望藉拳赛让大家看到他想改变的决心，现在每日跑步练拳，望尽快成功减磅。睇嚟Steven想效法崔建邦，利用打擂台嚟成功洗底喎！

Steven片中说：「我要多谢太太及家人支持，如果冇佢哋嘅支持，我都冇勇气上台打比赛，第一次上台打拳，无论赢输都希望得到大家嘅掌声！」大J直言原本不想参加，但听到对手系Steven后便答应，皆因对方爱喺大湾区唱歌及参加生日派对，故值得一战。

回顾2009年邦邦因涉嫌殴打旧爱邝敏慧而形象插水，工作全面叫停，其后因酒后驾驶及涉嫌无牌驾驶等，最后他用一年时间上擂台，做打拳节目《我的志愿》，令他重新面对自己。