【有拖冇欠】蒲头解释默默工作摊还欠债 张致恒跪求放过老婆家人

2021-03-27 06:30
被追债,Steven一直「龟缩」,直至昨晚先肯蒲头,喺社交网就欠债一事再认错,强调冇走数。
被追债,Steven一直「龟缩」,直至昨晚先肯蒲头,喺社交网就欠债一事再认错,强调冇走数。

张致恒(Steven)债台高筑,传借咗超过40万街数,欠债祸及妻儿,搞到老婆雯雯(区燕雯)近日被起底,压力大到爆煲,扬言:「放弃都唔会带两个仔!」被追债,Steven一直「龟缩」,直至昨晚先肯蒲头,他喺社交网贴上一张蓝天白云相,就欠债一事发长文,除咗再认错,强调冇走数、冇着草,𠵱家默默地工作,会好努力咁去工作,尽快还晒啲钱畀大家,更跪求放过他家人。

自2019年奉子成婚,被爆一脚搭5船后形象大插水,身败名裂,靠借钱渡日,月前更被指搬窦避债,旧屋信箱塞满追债信。借钱唔还兼失联,搞到债主之一嘅冯镓潆(Naomi)嬲到爆,要公开追债。可是,作为男人嘅Steven成个月都未有就追债事件表态,反而靠老婆雯雯挺身打同情牌,喺社交网贴文话,经已去到绝路向财务公司借钱冚债,澄清未有玩消失走数,他们一定会还钱。不过,雯雯承认要照顾两个仔及屋企,现金只系得$200,压力大到爆煲。

被追债,Steven一直「龟缩」,直至昨晚先肯蒲头,喺社交网就欠债一事再认错,强调冇走数。
被追债,Steven一直「龟缩」,直至昨晚先肯蒲头,喺社交网就欠债一事再认错,强调冇走数。
大人唔食细都要食,Steven𠵱家努力工作养家及摊还欠债。
大人唔食细都要食,Steven𠵱家努力工作养家及摊还欠债。

有还过钱但未还晒

昨晚张致恒眼见累及太太被起底,终于识得保护妻儿,喺社交网站现身发声,并指自己已找到工作,他说:「Hello,大家好我系Steven张致恒,首先好多谢大家嘅关心,我想喺度重新(申)讲多次,我冇走数我冇着草,我依(𠵱)家只系默默地工作,一直都好想还晒啲钱畀我所欠嘅朋友,讲真喺呢段时间真系过得好辛苦,搵到钱返嚟,我系有还过畀我嘅朋友,只系未完全还晒,我明白喺依(𠵱)家呢个时势大家都好穷,所以我会好努力咁去工作尽快还晒畀大家,想喺度同我嘅朋友讲声对唔住,拖你哋咁耐。」

Steven就拖数事件再向债主道歉。
Steven就拖数事件再向债主道歉。
雯雯日前贴文自爆,现金只系得很$200,压力大到爆煲,好彩有阿妈力撑。
雯雯日前贴文自爆,现金只系得很$200,压力大到爆煲,好彩有阿妈力撑。

老婆家人系普通人

对于雯雯压力爆煲,他就将责任揽晒上身:「仲有嘅就系,因为我嘅原因令到老婆嘅情绪唔好,所以我恳请大家要闹要话嘅,可以私讯同我讲,我好乐意畀你哋闹,希望大家唔好再私讯我老婆,佢要帮我照顾两个小朋友已经好大压力。」

有指雯雯出身纹身世家,外公相当猛料,曾为吴志雄、陈惠敏操刀,Steven跪求放过家人:「仲有希望各位记者朋友可以高抬贵手,你写我乜嘢都唔紧要,因为我系公众人物食得咸鱼就要抵得渴,但系我老婆嘅家人都系普通人一个,其实点解仲要攞出来讲呢?若果有一日你全家嘅成员,俾人摆出嚟你又会点谂呢?阿婆几十岁心血少唔吓得,同埋阿公已经过咗身,希望大家尊重阿公,跪求大家体谅!」

Steven要照顾一家人加埋爱犬,生活逼人。
Steven要照顾一家人加埋爱犬,生活逼人。
借钱唔还兼失联,搞到债主之一嘅Naomi嬲到爆,要公开追债。
借钱唔还兼失联,搞到债主之一嘅Naomi嬲到爆,要公开追债。
關鍵字

最新回应

關鍵字

相關新聞

热门文章