佣人姐姐发脾气嗌辞职　林芊妤倾掂数：唔使请新姐姐啦

林芊妤（Coffee）日前于IG Story问大家有否本地姐姐介绍，仲透露佣人姐姐忽然递上辞职信！事缘，她发现姐姐喂两岁多儿子翟德彦（翟伯伯）食饭时，经常开电视及电话给囝囝看，惟姐姐继续讲大话，唔认之馀仲发脾气掉毛巾，最后向Coffee说自己「唔识凑小朋友」，叫对方另觅姐姐。正当Coffee为再请工人而烦恼之际，事隔数小时后，姐姐居然向她道歉，最终仲倾掂数留低，她于社交网留言︰「多谢大家既关心呀～我而家唔使请新姐姐啦，姐姐唔走啦。」

今日Coffee于IG开Live重提事件，坦言事后也跟姐姐表示谢意，感激两、三年来对BB的照顾，让她可放心外出工作，只是自己不喜欢别人说谎，「我同佢讲已习惯佢喺身边，大家好似一家人咁，我都唔系好习惯有其他人、要重新习惯，跟住佢就喊，同我讲Sorry，佢觉得自己嗰日态度唔好，其实系佢意气用事，唔系真系想走，希望我当听过，所以我哋又冇事喇，唔使请新姐姐！佢都应承我以后有啲咩都会同我讲，唔会再为方便、唔使烦而讲大话，我都选择相信佢，加上佢系第一次（犯），而每个人都有机会犯错，姐姐都会有脾气、攰、唔舒服，同埋佢离开印尼咁耐都可能好挂住自己个仔，情绪唔系咁好，变相有时会有少少脾气，大家要互相迁就。」但她又称，正考虑请多个姐姐来帮轻对方，故会继续Interview。