【赶客feel】晒风癞红猪腿好吓人 江嘉敏药物敏感搞到周身痕

江嘉敏早前在社交网站晒出一系列相片，化靓妆悉心打扮晒白滑美腿，悠闲叹下午茶享受生活，但昨日她喺即时动态上载咗一张吓人烂腿相，相中特写住一挞挞又红又肿嘅大腿，似足出「风癞」，她透露是药物敏感所致。

江嘉敏出Post解释因病缺席《明星运动会》，表示上星期见医生，今星期又见医生，原来早前她一口气剥了3颗智慧齿导致面肿肿，相信是服食咗止痛药，搞到有药物敏感后遗症，更形容现时是牙痛加身痕。江嘉敏后来再更新动态，上载咗再去睇医生相，医生告知系药物敏感导致出「风癞」，唔会有传染性，不过需要再服用敏感药，更形容一个月以嚟服食嘅西药系整年嘅份量，并感谢朋友们的关心。如果按「财多身子弱」嘅理论嚟计算，明显呢排江嘉敏捞得好掂啦！