【独家】爆严崇天超级大头虾　梁嘉琪外闯想知出面发生咩事

效力无綫13年的梁嘉琪去年4月宣布离巢，一年来主力经营网上服装生意，直至早前夥严崇天（阿天）为香港开电视新节目《关于早餐的一些事》担任主持。相隔多年再回娘家，她称撞番旧同事感觉很Sweet，与年轻制作班底合作好新奇，「以前喺好保护嘅环境，所以想见吓外面系点，我都好恨再拍戏。」并谓期待跟任何平台合作。撰文：黎宝伦　摄影：谭壹致　服装：K times 2（梁嘉琪）　化妆：Soie Ip（梁嘉琪）　髪型：Terrence Chan@HAiR（梁嘉琪）、Yashi leung@DAK salon（严崇天）　场地：Mini hotel Causeway Bay

首与严崇天合作，以为有「暖男」照顾，怎料梁嘉琪大爆对方是超级大头虾，拍摄时经常漏咪、电话和大袋衫。问是否见到靓女失魂？阿天即卖口乖：「一来啦。（嘉琪：唔系我恶得滞吓亲你咩？）完全唔恶喎，比我想像中唔同，因总会有啲人摆少少款，但以师姐咁嘅地位，对我系非常好，劲Nice。」默契十足的他们盼再合作拍旅游节目。

无否认祖蓝召回TVB
谈到回复自由身，嘉琪谦称作为「小薯」只能等待机会，但绝对期待跟各大平台合作，「离开都系想同唔同单位合作，好似呢个制作班底好后生，但就系我想要嘅，因为我好想知岀面发生咩事、真正运作系点。（外闯冇惊过？）冇，无论好咗定差咗都系一个新改变。」对于传获王祖蓝召回无綫，她直言对任何机会抱开放态度，但会选择想做的题材，「而家做嘅都系好文化嘅嘢，可能以前人哋觉得我好是非精，但我真系唔系。（旧公司节目遭批评。）作为同行，演员好努力喺里面生存紧，希望大家支持。」毕业于香港演艺学院的她，直言好恨再拍剧，近期也多留意舞台剧，希望不久将来能参与。