【独家】执导微电影连夺三个奖项 张子丰指蔡思贝绝非姣精

33岁张子丰(Fred)多才多艺，除唱歌外早前以黑社会为题材拍成微电影《有拖冇欠》，更在《第8届微电影创+作》连夺3奖。而之前Fred为蔡思贝翻唱嘅国语歌《太阳》操刀拍MV被指系「兵仔」，他强调唔接受做「兵」，敖嘉年取笑他：「你既然冇女友，我介绍我『妹妹』你识啦！」而他口中妹妹，就是由他反串的分身。采访：方骞平 摄影：谭壹致

微电影《有拖冇欠》系讲一个追数佬恋上债仔嘅有趣故事，Fred分别取得「最佳微电影编剧」金奖、「最佳微电影制作」 金奖和「最佳微电影男主角」，因为专业组竞争对手好大，张子丰估唔到有咁好成绩，他形容赛果公布当天心情紧张，同事聚埋喺公司睇直播，但他宁愿同朋友落楼下食饭打发时间嚟减压，直至收到恭喜短讯先返公司。𠵱家Fred最想再下一城，搵到投资者将微电影拍成电影。

拒绝做兵
提到之前张子丰帮蔡思贝翻唱嘅国语歌《太阳》拍MV，事后两人分别将MV上载于社交网暧昧传情，思贝不讳言「当天如小孩般快乐。」Fred回应「美丽的事情发生了。」Fred解画：「只不过系思贝第一次唱歌，我哋都锺意拍出嚟嘅MV作品，佢有啲有感而发啫，其实我只系帮佢拍个MV咁简单，亦唔系做『兵』。」敖嘉年即表态：「我唔得做『兵』！不过，有啲男人会接受到。」张子丰同意见解：「做『兵』开始去建立两者关系都唔平等，而且做『兵』唔系一件正面事。」Fred眼中嘅蔡贝思唔系放电嘅「姣精」，反而觉得她man man地，系好努力嘅女仔。敖嘉年都忍唔住笑Fred：「佢系胶做，睇嚟完全唔过电。不如我介绍我『妹妹』畀你识吖。」