【Juicy叮】陌生人转错1万蚊频致电追讨 网民不胜其扰：Hea佢几日

天降横财都未必是好事，有网民抱怨，接到陌生人经转数快错误转账1万元，对方还多次致电及发讯息要求归还，网民不胜其扰，致电警方及亲身去银行查询，最后由银行之间办理，不过网民直言对方老实不客气，想「hea佢几日先」。

网民在网上讨论区「亲子王国」发文，指清晨6时就收到陌生人来电，对方指输入错电话号码入错钱，网民透露「我即时扯火，讲到我有好处咁，我即时『哦，咁我reject 个入钱』收佢线」，之后未到9时陌生人又打来，相隔2小时又打来，中间再有发讯息。

网民不忿，对方态度无诚意，「你入错畀人, 咁大码,系咪应该低声下气/好声气啲...系佢错在先, 我要跟手尾, 讲到我有著数咁，重要系咁炸我电话」，又批评「好bossy、好老冯，句sorry都无，似我求佢多啲，我条气好唔顺罗」

网民担心是洗黑钱，所以还致电「防骗易18222」求助，「啊Sir话， 唔好再透过电话，叫我去分行办」。网民直言「就算畀返佢，我要去银行排餐饱...等返一头半个钟，先有人帮我跟，我得个吉...起码hea佢几日， 佢搅唔掂，我先主动联络银行...我无理由请日假， 帮人跟手尾架」。

网民于是去了银行一趟查询， 「银行叫我咩都唔洗做， 转钱畀你个位， 自己去银行。填表退钱！好在头先银行无人排， 好快问到。...佢求我一啲唔客气，当我傻，『保障双方』，一听到扯火...我头先凶佢， 你再打嚟我报案告你滋扰我， 先收手」。其后网民得悉陌生人已经联络对方所用银行，经银行之间办理退款手续。

不过发文者的做法备受争议，有人认同「如果佢咁无礼貌，唔洗同佢著急」、「我都试过有人入多咗钱落我户口，打黎叫我退返完全系命令式咁，仲同我讲话要指定边间嘅银行户口过返比佢。呢啲人认真唔讨人欢喜」、「上年12月试过，对方声大夹恶，好似我欠佢钱咁！不停来电及WHATSAPP ，我自己打电话去Bank，先备案有不明来歴入数，一直等对方银行联络我Bank，再白字黑字签名确认扣翻条数。」

也有人批评发文者立心不良，「明知人地入错数但唔还，就变咗偷，系刑事！」、「我都试过唔小心转数快入错咗号码，过咗一万蚊俾人，当时都好失落好惊打去银行，银行话我填表嘅话，都要等对方覆，最快方法都系试下搵对方。于是我whatsapp对方，好彩对方肯帮手过返俾我，劲感激...我都觉得楼主系度合理化自己唔畀返钱人，一开始又话自己reject咗过钱，跟住讲讲下又话要请一日假去搞，又话谂住唔过返，真多理由」

帖文转载自《有人转数快,入错钱比我》