《文森佐》傀儡会长加码操Fit 郭东延揭高网面背心骚巨肌

韩国男星郭东延演完《黑道律师文森佐》傀儡会长「张汉书」后人气急升，因为由奸变忠，赢尽剧迷好感。他今日就在社交网上载自己最近拍摄的杂志相，其中一个Look郭东延着上白色网面背心，拉高件衫骚出Fit爆身材，特别系手臂肌肉，比起去年在《虽然是精神病但没关系》的晒肌场面再大只咗，完全系隐藏筋肉人。

相信24岁的郭东延好清楚大家最想睇咩画面，佢喺IG限时动态再Post出两张拣相时嘅花絮，畀大家多角度欣赏佢上半身肌肉，件背心仲劲透视，睇到仲怕丑过见到大只仔上身赤裸。