搣走21磅赘肉晒纤腰 王灏儿被网民质疑呃like：系咪攞错男友嗰条
2021-05-24 07:00 
拍紧TVB新剧《痞子殿下》嘅王灏儿(JW)喺IG贴相出新Post，相中穿著贴身白色小背心衬半截短牛仔裙，JW除下皮带拉起裙头，惊见虚位可放得落两只手掌，她即招积地留言：「hehehehehehehhehehehe」还附加胜利手势符号。又答话：「我上年年头嘅体重，我真系自己都吓亲。」睇返旧帖文，她曾表示：「原来拍剧真系会瘦㗎！由上年到今日合共瘦身21磅，体重回落返中学时。」富家子男友Tarzan即留言赞好：「hot！」
王子涵即言留言求教；蒋家旻跟唔少网民一样抱怀态度，蒋家旻留言：「你以前有冇咁肥啊？唔信！」JW解释即话：「我成日着啲好大件嘅T恤遮住。」而邓佩仪、江若琳、林欣彤则为她欢呼，唔少网民大赞她好劲，指身穿嘅牛仔裙腰围应该有34寸，提议开班减肥；也有网民大赞她：「瘦咗又靓咗，更苖条迷人更甜美可爱。」最搞笑有人取笑她：「系咪攞错了男友嗰条？」
關鍵字
最新回应