诞6.5磅囡囡同爸爸一个饼印 余香凝：终于明白咩叫心肝宝贝

27岁余香凝在社交网贴上与老公跟B女3手互牵照，宣布女儿Clare出世了！余香凝喜悦说：「好开心好开心BB健健康康出咗世啦！因为担心佢体重，最后一次产检，两星期前都系5磅半，出世时有6磅半，所以自己系好开心，一路以嚟食咁多长胎嘢真系冇白费到！」
余香凝大赞Clare靓女：「BB系似足爸爸，一个饼印，亦都好靓啦，已经有眼眉毛，因为自己最担心BB女会唔会好似我咁眉毛好少，觉得女仔有眉毛好靓，结果似爸爸好多眼眉，然后眼睛好大，所以好可爱。佢都好乖，医院咁多日，好配合妈妈快啲有母乳，自己喺医院冇话瞓得好多，自己3个钟头起身一次，同佢一齐努力尝试，然后好快成功，又冇乱咁喊，净系肚饿先喊，所以好乖。好多老人家都话唔好赞，赞坏，我觉得真系要嘉许一吓佢。」
提到正式当妈后跟以前心境不同之处？余香凝说：「终于真正明白咩叫心肝宝贝，当佢一喊就会好担心，佢有一次喊自己都跟埋喊，觉得死啦系咪有啲咩唔舒服，好多朋友话放松啲啦有排担心成世㗎，自己知Feel到成世担心感觉，真系要好好爱锡妈妈！」

另外，余香凝在社交网留言：
Welcome home baby Clare 💕
别人说小孩子不能赞，会赞坏
但容许我在这里赞一赞
要赞赞 宝宝最后体重6.5磅
没有浪费妈妈狂食长胎食物而胖了好多的心血
再赞赞 宝宝非常配合 两母女合作无间
在大家的努力下
剖腹产第三天就上奶了😎
可以喂母乳喂到饱
也都要赞赞爸爸一直在身边陪著妈妈 服侍妈妈
双眼袋都出来了

宝宝
以后只要你健康开心妈妈就满足了
这世界没有东西比你更重要
爱你