【佗住B拍戏】获颁最佳微电影女主角　余香凝感激鲍起静与剧组照顾

余香凝（Jennifer）去年底跟鲍起静（鲍姐）、潘灿良拍微电影《日子总有我伴你走》，近日她更凭该片夺得「最佳微电影女主角」奖，但由于疫情关系，是次微电影比赛未有举行颁奖礼，而奖座日前终于送出Jennifer手上，她笑言腹中BB「脚头好」，并谓：「BB喺肚入面经历拍摄同攞奖，不过我觉得最大最大得奖原因系导演同鲍姐，冇鲍姐做对手戏，唔会有呢个表现出嚟，所以多谢鲍姐。」

Jennifer直言能参与拍摄的满足感比攞奖更大，且拍摄时正经历人生大事感觉很特别，她说︰「其实自己冇谂过攞奖，有得做呢个讲亲情嘅Project已经好满足，自己一直都好想做关于亲情嘅作品，导演第一次搵我拍呢个微电影时，自己计划紧结婚，到拍摄时就有BB，所以所有嘢嚟得好合时。加上自己婆婆都好大年纪，好想做一啲关于亲情作品畀婆婆睇到，或者畀大家睇到，去宣扬要珍惜眼前人嘅讯息。」又大赞整个团队充满爱，拍摄时大家都非常紧张她这个「大肚婆」，Jennifer续道︰「一唔使埋位大家就叫我坐，鲍姐又叫我休息，又惊饭盒唔够营养再加餸，有鸡有其他肉叫我食多啲，大家都好紧张我。」因此，她也期待原班人马再合作。