演唱会后攰到瞓足廿个钟 姜涛拣黑超心得最紧要大副

MIRROR上星期才完成6场演唱会，不过姜涛骚后继续做大忙人要开工。他获眼镜品牌邀请到店铺，搭配各款太阳眼镜。姜涛忆述人生第一副太阳眼镜：「细细个同妈妈去加拿大旅行，佢喺海边嘅一间小店买咗副太阳眼镜畀我。我整个旅程都有戴住，仲觉得自己变咗外国人。」小时候的姜涛对拣太阳眼镜好有「心得」︰「我拣咗副镜片比较大嘅，因为觉得同一个价钱，感觉好似抵啲。同埋我成日会借妈妈嘅太阳眼镜嚟戴，细个觉得太阳眼镜系无分男女装。」

问到如果能放一日假最想做乜?姜涛最想瞓觉︰「我喺演唱会后都休息咗一日，真系全日喺屋企瞓，起码瞓咗十几二十个钟。虽然内心系想做吓其他嘢，例如睇电视或打机，但真系太攰，最终都瞓咗成日，好似昏迷咗咁。」踏入夏季，姜涛与妈妈一样，怕热又怕出汗︰「平时同妈妈出街，我一定会带风扇，因为佢好怕热。记得有次去日本玩，天气好热，妈妈入便利店买咗一大袋冰，全程一路行街一路揽住，仲话即刻透心凉！」