【独家】同193合作唔怕TVB唔锺意 吴业坤强调：冇嘢嘅做音乐啫

32岁的吴业坤（坤哥）日前同敢言嘅ERROR成员193（郭嘉骏）揽头揽颈合照兼互送公司吉祥物外，仲预告会有Cover，问到会否担心TVB唔锺意，坤哥好有信心表示：「做音乐啫！音乐无分界限！」但话口未完，有报道指坤哥将被飞出TVB新剧，据传原因系佢同193行得太埋，记者就事件向坤哥求证，坤哥回覆时强调：「唔系被飞出新剧，因为有奥运嘅项目可能要拍，所以角色换咗其他人去做，同『雪藏』一事无关。」采访：方骞平 摄影：谭壹致 化妆：阿姨@auntielimemakeup 发型：Ken yong@hair corner 服装：levi's 场地：东南楼艺术酒店

吴业坤完成咗长达16日，徒步由关西行去关东嘅「东海道53次」后，将旅程体验创作咗新歌《一路》，分享正能量。他说：「今次旅程好似人生道路咁，就算面对未来好多唔知状况，既然选择咗呢条路，点辛苦都要行落去，希望大家都同我一样做得到。」

想做就去做
经历过日本之旅，坤哥话自己成长咗：「观众识我时只系20岁，最深印象系喊到眼镜起雾嘅𡃁仔、『毒男』，𠵱家佢哋依然会先入为主，我开始要畀佢哋感觉到我有成熟嘅一面。」他又坦承目前乐坛年青化，新一辈嘅只得20岁：「我大佢哋10年，相比真系老喇！偶像派留返畀佢哋啦，喺乐坛摸索咗10年，觉得唱惨情歌好难走得远，系要学习做个男人，以前自己乜都唔敢做，去完个Trip放低咗枷锁，𠵱家大胆咗，唔理系咪对台艺人，有啲嘢冇影响到人，想做咪去做罗！其实系咁霸住张櫈唔系好事，乐坛多几张櫈更好。」原来他跟193有共同朋友，两人会合作新歌，至于怕唔怕TVB唔like？他轻松说：「有啲新鲜嘢好似好啲，冇嘢嘅，做音乐啫！音乐无分界限！希望一团和气。」