母子档再合作果汁广告 薛家燕夥拍型男流晒口水

薛家燕将月底荣升嫲嫲，BB未出世已经脚头好好，带挈嫲嫲与爸爸石耀庭（Jackson）接了果汁广告，由爸爸执导，嫲嫲做女主角！Jackson请来6尺嫩口型男做男主角，家燕姐开心不已，笑说：「个partner叫Daniel，有型又识做戏，因为广告要表情十足，佢又做得几好，睇番play back发觉我哋几衬，我直情成个青春晒。」
问到有否掂手仔？家燕姐笑指︰「手仔？有冇掂到呀？眼神呢……哎呀，眼神呢……流口水添，眼神好多接触，手仔就应该冇掂到。（你隔咗几耐冇掂过男仔手仔呢？）唔系好耐啫，我成日同人握手嘅，哈哈！咁拖吓手仔都系礼貌嚟，你知我随和，又充满伟大嘅爱，如果真正拖手仔呢排就冇喇，可惜因为疫情关系，大家要天各一方，惟有靠手机同电脑倾偈，希望可以快啲拖到手仔啦！」
再次母子档合作，家燕姐有感Jackson要求一次比一次高︰「上次要我做Captain Nancy打成十几廿次，今次佢嫌我饮果汁饮得唔靓，话要做啲诱人动作，我都唔知点解要诱人，所以要问吓监制即系Justina（珊珊），佢两个度好晒，有晒storyboard，话系客户要求喎。」