挑战「东海道53次」喊完打通晒 吴业坤：想搵返个女朋友

吴业坤作客TVB娱乐新闻台节目《StarTalk》，接受主播许文轩（Edmond）专访，大谈赴日本Working Holiday及挑战「东海道53次」感受。坤哥说：「本身2月想返香港，但觉得自己好似咩都冇做过，好颓废，有啲良心挣扎，所以决定挑战『东海道53次』由京都步行到东京。第一日行左40公里，实在高估咗自己，搞到对脚、膝头同脚腕都好痛，行咗4、5日先可以适应，都有一刻谂过放弃，想搭车返去京都。每日最期待就系去到旅馆嘅澡堂浸脚，浸咗成个钟都唔想出嚟！」

谈到这次挑战的体会时，坤哥说：「路，好似人生咁！开始咗就冇得返转头，有咩都要硬住头皮上。行到第13日，自己有一边写歌一路行，行行下唱到『如累了，请你只要相信捱下去』触动咗自己，一路行一路喊，喊咗成个钟。虽然呢个旅程有废嘅时候，但我觉得今次真系抛开过往沉淀嘅嘢，以前成日做访问话要沉淀，原来一直积聚咗喺度，今次真系打通晒！返咗嚟香港之后我真系开心咗好多！」

吴业坤直言成熟不少，说：「可以同大家讲，都想搵返个女朋友！（在日本有否认识新朋友？）有，睇下可唔可以发展到，认识朋友一定有，男女、日本人都有，不过唔一定系拣日本女仔。如果真系有女友，都冇乜所谓，可以公开畀大家知，但依家真系冇！」