【IG Post过三万Like】唱《ERROR自肥企画》主题曲 肥仔借MIRROR舞台跪地找数

《ERROR自肥企画》自上周播出后极受欢迎，阿Dee的「凤凰不死鸟」笑爆观众，而首集播出，由起格导演Mike唱的主题曲《无制限OT编集团の行动纲领》被疯狂洗版。肥仔之后出Post话只要IG有2万like就会唱主题曲，眼见Like数来势汹汹即淆底改口要3万，3万就3万，话咁快就过，网民吹鸡等找数。

今晚7点，有份帮MIRROR演唱会排舞的肥仔喺IG贴出找数片，见佢借MIRROR舞台唱出《无制限OT编集团の行动纲领》，半程弹弹跳最后仲跪埋地，最重要有灯光仲有live band非常认真。肥仔留言:「找数真汉子，横掂都系自肥偷埋MIRROR个台嚟玩，多谢成队band同我一齐玩，时间短无太多准备大家收住货先。」原唱者Mike导演留言：「得颗心去为你无制限。」而MIRROR的Alton就话：「果然可耻，果然有用」至于队友阿Dee就唔多欣赏，指原唱者完胜，仲同肥仔讲Sorry。