【独家】大赞熟男马德钟好正　陈滢享受被保护唔介意忘年恋

31岁的「宅男女神」陈滢入行以来绯闻不绝，自2016年跟赌王何鸿燊四房儿子何猷亨分手后，有传她获41岁「钻石笋盘」方力申（小方）力追，去年二人更于J2节目《Tiger's Talk》搞暧昧，令外界以为小方得米！见事件闹大，自知玩过火的陈滢即澄清只属好友，但坦言再拍拖会以结婚为前提。讲到择偶，近日于无綫剧《伙记办大事》中，跟52岁马德钟（马神）玩忘年恋的她，直言年龄差距不是问题，最紧要另一半够Man、可依靠，仲大赞马神愈成熟愈正！撰文：黎宝伦　摄影：张咏森　服装：BESPOKED ian chang　眼镜：Hugo Boss　化妆：许智华　发型：Sue Cheung@SALOON Festival Walk

陈滢于《伙》剧饰演物流公司太子女，周旋于前度杨明和「戴律师」马德钟之间，当中她与相差21年的马神更上演水底激吻戏。日前接受《头条日报》访问时，坐在马神身边的陈滢卖口乖说：「今次有两个男神陪伴……都唔系，男神得一个，讲错，掌嘴！Ex唔要啦，梗系要正啲㗎啦，我同马神嘅关系好成熟，经过好多考验。」马神即笑称见到对方「人又靓、性格又开朗」也生情愫，不过他只是讲紧角色、剧情而已。

不拘年龄
现实中，细细个就煲《冲上云霄》的陈滢继续赞对方：「佢愈嚟愈靓仔罗，做记招都忍唔住望佢。」问可觉熟男较吸引？她说：「咁一定系，稳重啲嘛。（拣对象可接受差几多岁？大10年嘅方力申OK？）我觉得感觉最重要，细过我、大过我都试过，冇Limit。」那么拣成熟型马神定运动型小方？陈滢坦言：「我都几享受俾人保护嘅感觉，见到我有难题会自动帮我解决，即系好Man、可依靠嘅男人。（遇到未？）如果遇到我应该结咗婚。」

拒绝LONG D
谈到角色是从影以来最复杂、最多层次，陈滢感激马神带她入戏，令其演技成熟不少；马神表示，虽然二人于《跳跃生命线》对手戏不多，但在片场也留意到陈滢，「净系听佢同罗兰姐演戏嘅声，已觉得佢演得好好、好有心机，今次更加觉得佢好聪明、反应快、理解能力好好，有时仲提点番我，哈哈！」问可觉超惹绯闻的陈滢电力强劲？他说：「呢啲对手好好，唔麻烦、唔需要我凑，好认真工作。有时对住新演员唔敢提点咁多，可能一讲佢哋就『啧！使鬼你教咩』。（有教儿子马在骧？）喺屋企对对白都有。」笑问可会考虑「嫩版马神」？陈滢打趣道：「我有讲笑咁问过佢攞囝囝张相睇吓。（得？）梗靓仔啦，但Long D唔得。」