【好乱呀】食少碗饭都冇用 张敬轩贴林家谦张相扮减肥成功
2021-04-30 19:00 
张敬轩早前与林家谦、冯允谦一齐开Live举行线上音乐会《Live at Alberose》，当时轩仔特登戴上金丝眼镜与家谦合唱，更搞笑表示「唔可以令广大觉得我哋似样嘅朋友失望」。昨日轩仔在IG上载其「侧面相」并留言：「冇，见自己带咗副眼镜有返条腮骨线，po下咁啫。」更在Hashtag抵死指「我瘦返好多喇，嗱，咪话我肥，我同你死过我话你听」。
不过大部分人都心水清，踢爆轩仔用家谦张相扮自己，相片本尊仲现身留言玩埋一份，「分不出真假的腮~骨 #怎相信人」，完美改编《酷爱》歌词！轩仔都唔示弱，改编《一人之境》回覆家谦：「我呢排都尽量唔装第二碗饭 #一个饭原来都可以尽兴」，似乎有为减肥下苦功，两人互搞烂Gag的无聊行为亦笑爆一众网民！
關鍵字
最新回应