【郑中基自驾SHOW】为林家谦抱不平 郑中基：你千祈唔好缩

郑中基第二场自驾演唱会于中环海滨活动空间举行，场内爆满，场外近300人围观；许廷铿、方力申、锺培生等到场支持。
林家谦担任第二场嘉宾，与郑中基先合唱一曲《我代你哭》。林家谦早前ViuTV《Chill Club推介榜年度推介20/21》横扫6奖，成为大赢家，但一向寡言的他领奖时曾说︰「个奖自己拎㗎，咁随便嘅。」、「我老是常出现，好烦！」引起网上热议，更指他有机心。郑中基乘机为林家谦抱不平，说：「听讲问你嘢，你都会讲错嘢，大家觉得系唔系㗎？唔系㗎可！其实咁多人支持你，你开唔开心？」林家谦笑笑说：「开心，真系嘅。」郑中基接著说：「不如问吓你未来计划啦！唔系，你唔好答，你答有呢，啲人就话你有机心，你答无呢，啲人就话你懒，所以你唔好答呢个。」全场掌声支持。
郑中基再问观众《一人之境》作曲、填词、编曲及监制是谁？观众4次大喊林家谦名字。他笑说：「系罗，4个都系佢，点解唔可以多谢自己呢？我就唔明喇，如果畀著我，我会多谢自己4次。你听我讲，你千祈唔好缩，要缩就等我呢啲老野缩，你好好地做音乐就得㗎啦！」随后，林家谦再独唱《一人之境》。