【Keep吓好喎】忙做导师又去踢波 53岁李克勤零妆走晒样

李克勤呢期为《声梦传奇》任导师，指导15位参赛者歌唱技巧及舞台表演，他更自称为「奶爸」。另外克勤又大赞《声梦》团队上下一心，士气好好，佢回忆对上一次有同样感觉已是多年前跟吕方主持《劲歌金曲》︰「大家都废寝忘餐﹗我份人工其实系做一日嘅工作，但我差唔多日日都要开工，每日返嚟开会，讯息未停过，大家唔介意付出几多，士气系TVB近年最好。」

虽然好忙，但53岁嘅克勤仍然Keep住踢波，周六佢就出咗个Po，「今朝九点。早波」，唔知系唔够瞓吖，定系太忙吖，或者系佢平时都唔系好Keep，冇妆嘅克勤眼皮严重下垂，走样程度达八级，同有妆对比相当大，年纪唔细，克勤真系要Keep吓喎，话晒47岁嘅老婆卢淑仪仲系好靓，争太远就唔好啦。