变行山界KOL 卢淑仪挑战蚺蛇尖大成功

李克勤老婆卢淑仪爱上行山，行到个人完全唔似47岁，寻日佢又脚痕，今次目的地系蚺蛇尖。蚺蛇尖虽然只高468米，但因为山势陡峭又斜，路又多碎石，需要手足并用先可以攀爬至顶，因此有「香港第一尖」之称。有好多人想挑战蚺蛇尖，不过碍于四星路线而却步。

行山无数，绝对系行山界KOL嘅卢淑仪就决定嚟一个Today’s challenge，挑战地就系蚺蛇尖，出发前佢影住山顶仲画埋箭嘴，然后就开心起行，山路的确好险要，见李太都要手脚并用，最后行咗4个钟就到达，挑战成功，恭喜晒。