【话花姐穷】拍内裤广告要Key队友Body 姜涛笑言怕吓走晒啲客

姜涛及蔡卓妍（阿Sa）晚上出席「HPV健康教育大使发布会」，姜涛直言与前辈阿Sa合作开心又紧张，开工前一日已幻想过程并笑说：「但其实根本唔使担心，皆因我哋系分开拍，但我有去探班同影合照，因为出道前、细细个都有听Twins嘅歌。（买过Twins的碟或睇过演唱会？）其实我由细到大都未睇过演唱会，连小猪罗志祥嘅演唱会都未睇过，因为屋企冇畀钱我睇，零用钱都用嚟买嘢食同买游戏卡，哈哈！」

姜涛表示入行后工作忙碌，除了睇过队友Ian的九展演唱会外，未曾当过红馆骚的观众，笑言最想做MIRROR演唱会的观众，审视自己的演出，但根本不可能。对于有指他半年狂拍50个广告，姜涛冇认真数过，但希望客户继续找他合作，问到是否猪笼入水？他笑说：「很多支票仍未收到呀，广告的钱比较迟收到呢！」笑问会否担心花姐「落格」？他说：「咁又唔会！如果有，花姐就唔会咁穷啦，哈哈！」

姜涛不讳言最想拍美食广告，可以光明正大狂食，若有钱赚也不介意拍M巾广告，又谓要与MIRROR队友合拍。至于内裤广告呢？姜涛笑说：「Key我个样便可，身体可以用Stanley或Alton。（为何不现真身？）我惊以后乜广告都冇呀，吓走晒啲客，我都有自知之明㗎，哈哈！」