与阿Sa首合作怕丑又紧张 姜涛注意健康对未来另一半负责
2021-04-13 12:30 
蔡卓妍（阿Sa）为子宫颈癌疫苗代言超过15年，今年首度与姜涛合作。两人在不同地点各自拍摄，特意去探阿Sa班的姜涛好似太紧张，再度「天然呆」上身，要阿Sa主动打招呼，十分搞笑。姜涛指，自己真系好紧张：「阿Sa对我嚟讲系前辈，又系影后级人马，佢主动同我打招呼咁Nice，搞到我有啲唔好意思。」
今次未能同场拍摄，姜涛坦言错失大好偷师机会，大呼好可惜。姜涛爸爸及好友近日都突然入院，令他深切体会到健康的重要，「希望未来两年可以同阿Sa拍住上，令香港人明白预防子宫颈癌嘅重要性。我都会Take action去预防，唔止系对自己，亦系对将来另一半应尽嘅责任。」
阿Sa则好开心可与近期讨论度好高的姜涛合作，「好开心有唔同嘅新面孔，多个人推广，一齐合作宣传呢件咁有意义嘅事！」代言多年的她只用了三分一时间，就轻松完成所有拍摄，果然好专业呀！
關鍵字
最新回应