【维港会】儿子大专毕业后失业逾年失自信 港妈心酸获劝咩工都做住先

疫情下人浮于事，有家长在网上讨论区「亲子王国」发文，慨叹儿子自去年大专毕业后一直失业，感觉十分心酸。

这位妈妈指，儿子去年高级文凭毕业后，至今已经一年多找不到工作，起初以为儿子要求高所以无业，倾谈之后发现现在真的很难找工作，「依几年佢成日觉得自己好差，冇哂自信心，见佢咁我都好心酸」

有网民留言，直言「经济唔好，真系好少请无经验的后生仔」、「无法，经济差系原因，前年黑暴影响雇主对呢几年毕业青年印象亦系事实，会捱过的」、「不过楼主唔好气馁呢两年毕业唔好话系high dip就算大学生都唔容易搵工，好多公司听到呢两年毕业都耍手拧头，我识几个做HR嘅都话，唔会请呢两年毕业嘅人，而家除非做护理医学就有机会一毕业有嘢做，所以我都见呢两年好似多咗人读护理，而家护理收分好似高咗好多，楼主或者叫阿仔谂谂政府工」

有人亦分享海外回来都一样是无业青年，「我朋友个仔，系英国毕业返嚟，一样搵唔到工，仲要依家拍紧拖，所以我朋友都仲要畀零用钱佢用，但佢仔真系挂住拍拖，无乜点搵工。」

有人建议马死落地行，「依几年搵唔到嘢做, 重要系 fresh grad, 顾主都会明白系职位少咗, 不如做下兼职先, 最少有收入搣下」、「乜都做住先，攞多啲经验，我识个做收银读经济嘅大学生，做了半年，之后做会所接待员」、「我觉得咩学历都难搵工，与其有条件咁搵不如大范围咁搵乜都做住先，至少有工作经验，等社会环境好啲，都有嘢同人争下先」

也有人建议再进修，「high dip只系比中学毕业高少少学历，好多大学degree毕业都难搵工，反正呢两年就业市场麻麻地，会唔会读多两年top up degree？放低咗书包耐嘅话想读返书就更难。」

帖文转载自《见到仔大学毕业后一直失业，好心酸》