沧桑笑脸晒父子情 张致恒「露面」贺大仔2岁生日

张致恒（Steven）早前被Naomi（冯镓潆）公开追债，随即被传债主临门，更被发现搬离旧屋，失去联络的他被指着草走数。随著老婆雯雯在社交网发文否认走佬，及情绪不稳连续发文放负后，Steven才更新社交网，发文强调「冇走数冇着草」，并跪求放过老婆及其家人。
自今年2月贴一家四口贺年照后没再露面的Steven，今日凌晨贴上与大仔天宝的笑脸合照，原来为祝囝囝2岁生日。照片中Steven留有黑白须，跟天宝头贴头笑不拢嘴，满脸沧桑却又满载慈父的模样。留言：「我个臭宝终于两岁啦🤩突然间好感触，生日我唔喺佢身边，当我离开屋企之后老婆同我讲佢就唔开心咗好耐又唔肯食饭，个心真系好痛，但系冇办法始终一个家庭要努力先至维系到，一日一日咁大，佢一个字一个字咁讲出嚟，嗰种感动系喺哩（呢）个世界搵唔到嘅，只有做父母先会感受得到，而（依）家我嘅目标只系想尽快还晒啲钱，同埋俾（畀）一个健康又舒服嘅环境佢哋两个成长，任何人攻击我嘅说话，我都会当系对我最好嘅强心针！张天宝，爸爸永远都会咁爱你 生日快乐呀」。