【维港会】欠20间财务公司债亲戚乱填谘询人 网民家遭淋油束手无策

网民在网上讨论区「亲子王国」发文求助，指家门不幸，有个「人渣亲戚」借完又借，之前已经帮了还几次债，近期又借了20多间财务公司债务及高利贷，乱填谘询人还潜逃，「成家日日收电话同WhatsApp、短讯追数，前几日屋企仲俾人淋红油」，面对追债滋扰网民每日心惊胆跳。

家住公屋网民解释，财务公司无签名、无确认，「个衰人净系报我哋个名同电话，个啲财仔就借俾佢，真系好阴公」。之前屋企人想欠债亲戚重新开始所以一家人才帮手，「点知佢一错再错，我父母又惊但又唔想离开间屋，咁先烦上加烦，我都好想搬，宜家装定CCTV」

她又悲叹，「已报警但好似都帮唔到手，啲收数系咁叫我哋帮债仔还，唔还就话要搞我地。有大又有细，好痛苦，日日担惊受怕。」她指，谘询人虽然无法律责任，「但个啲财仔都唔知系第几缐，佢哋都唔理，一句话搵唔到佢就搵你哋，成家被害得好惨。」

她形容，「每日喊，我又成日食唔到嘢，个胃又顶住。报咗警，搵房署搵社工搵区议员，明白不是一时三刻可解决既问题，但我哋发生事...现在都无人覆，好无助」。

不少网民都束手无策，建议「无阴公，同情你，可以搬就搬啦」、「你要报警，话有人淋红油，佢哋会畀张报案纸你。再有人搅事，你只有不停报警，但其实警察系帮你唔到，除非人赃并获。一定唔可以还钱，$1都唔得。因谘询人本身系唔需要上身，佢哋系要令你惊，咁就逼你幇手还，但当你还咗一次之后，条数就要背上身」。

有过来人提出，「之前试过, 欠债人系我姨仔。好彩我有朋友系做律师事务所，佢叫我收到电话短信，全部记低交畀佢，佢帮我逐个收数打去，话佢哋知我系唔知债仔喺边亦唔会帮佢还钱。问收数攞FAX NO，律师事务所会出FAX畀佢向债主交代。朋友话佢哋成日都会有啲银主盘新业主畀旧业主啲收数骚扰，律师事务所就会咁做。几个星期左右就大致无晒啲收数电话打来，之后都仲有啲零星收数，我照畀朋友搞， 大概一年多啲就完全无晒。楼主有人上门淋油应该都报咗警， 警察都会加强上楼巡逻一段时间，但就唔会点跟进」。

帖文转载自「亲子王国」《好痛苦，被写了借钱谘询人》