【头条独家】《大步走》升呢第二男主角　张达伦不理戏份更重视口碑

张达伦最近连环有《失忆24小时》及《大步走》播出，两个角色各有特色，《大步走》更加是首度升呢第二男主角，不过达伦认为同戏份相比，最重视反而是口碑。刚为拍摄新剧《白色强人II》到深圳开工的他，由于要隔离，加上跟3岁多的囝囝「劲秋鸡」张凯硕首度分离，他已计划好每日视像解相思之苦。 撰文：杜淑霞 摄影：谭壹致 发型：Wiltam@INDULGENCE SALON 服装：Mr P by MR PORTER 场地：The Wave

达伦在《失忆24》演渣男「阿思」，仲首度跟江欣燕有感情戏，演其前夫，他笑言细细个已睇欣欣做《欢乐金宵》，「真正合作完全未试过，一嚟就车震又牀上戏，好夸张！我拍时都同导演讲『出唔出得街㗎！』」剧中他为呃钱扮跟前妻欣欣翻挞，他觉得演起来够过瘾，「佢各面都好渣，唔会突然变番好人，我觉得几开心㗎！渣到底，好玩㗎！」

担心囝囝唔记得自己
《大步走》达伦演个发现自己有病快将失明的摄影师「阿凡」，对于该剧升呢男二，他以平常心看侍，因认为口碑更重要，「当然开心啦！但对于角色上我又冇乜大感觉，因为譬如《爱．回家》我冇谂自己男几嚟做，你畀份剧本我就做好佢罗！出嚟效果好嘅，自己个角色就得啦！反而唔会框死咗佢系个主角定配角，唔会咁谂。好似我有日行街买衫，突然有个男仔嗌咗个《大步走》角色名，仲话好好睇喎！反而呢个满足感大过其他嘢，我会睇嗰件事出嚟个回响系点。」

为拍新剧《白色强人II》，达伦已出发到深圳开工，不过先要隔离，加埋拍摄时间，要个多月才能返港，他都好担心到时囝囝「劲秋鸡」唔记得自己，「我有个朋友就系咁，话个仔唔记得咗佢。我早前同姜丽文开工，佢哋细个Paul哥（秦沛）成日要开工，但会每日写张fax维系感情，咁我隔离嗰啲日子，索性长期开住个facetime，不如等佢长期望住我，哈哈！不过阿仔睬我都傻！但我相信头7日，我会觉得好放松，咩都唔使理，我已经带定条绳去做运动，同埋预咗睇戏同睇书。」