【独家】有家室拍亲热戏有底线　谭俊彦扮HeHe最惊爱上男拍档

谭俊彦（Shaun）加入无綫4年间演绎严肃角色较多，今次于首套黑色喜剧《失忆24小时》中饰演傻气小男人「蒙一言」，他笑言扮Cute最难，「唔记得呢啲嘢好耐，因为连续4、5年都黑口黑面，呢套系我喺TVB拍得最心情愉快，Energy好爆。」不只恨多拍喜剧，剧中跟郭晋安（安仔）上演HeHe情的Shaun，更直言想扮演同性恋角色，但最担心入戏太深爱上男拍档。撰文：黎宝伦　摄影：谭壹致

一向锺意喜剧的谭俊彦早年为周星驰（星爷）执导电影《西游降魔篇》及《美人鱼》的粤语版献声，有幸现场目睹星爷亲身演绎，「你觉得佢无厘头，但平时系唔笑，好认真。」将从星爷身上学到的一套放在主演剧《失忆24小时》上，加上次次背熟剧本先入厂，令三届视帝郭晋安也觉得开工似考试，「我做晒功课，佢考我唔到梗大压力啦，哈哈！」首次合作的二人互相过招，Shaun仲即兴大玩HeHe嘟嘴锡，「食过番寻味」的他直言想演同性恋角色，但谓：「我好入戏，好惊自己爱上对手，同安仔拍嗰阵都有谈恋爱感觉，我会买嘢畀佢饮，佢又会关心我。」

眼中只有屋企人
问老婆任祉妍会否担心他跟女拍档太入戏？Shaun说：「有冇佢睇得出嘅，我分得好清楚，系角色爱上对方。」笑问最爱哪位对手？他即冧道：「最爱嘅娶咗返屋企！（点畀信心佢？）佢多啲嚟罗。（监场？）又唔系嘅，大家都知道系做戏，同埋做咗人夫都有底线。」并谓今次跟汤洛雯拍咀戏，每次都是自己先嗌Cut，笑问是否怕激嬲马国明？Shaun笑称：「嗰时未改姓，你见佢嗰时咁瘦就知啦！」讲到太太掌管财政，以往爱储表和结他的Shaun笑言做老窦后「心头好」就是仔女，「喺香港打份工搵几多大家都明啦，两个小朋友学费、杂费都差唔多，但望住佢两个都够晒。」