【话题终结KOL】扮哈尔𠱁囡囡开心张继聪惨被前世情人冷落

2021-03-10 12:30

张继聪出名疼锡囡囡张靖（Karina），经常在社交网分享与「前世情人」的温馨点滴。最近Karina迷上宫崎骏动画《哈尔移动城堡》，经常说自己是女主角苏菲，有趣的是，动画男主角「哈尔」的香港版配音正是爸爸张继聪。昨晚阿聪拍片尝试扮哈尔同Karina玩，不过囡囡好似唔多受落，唔太想理佢。

片中，阿聪抱着囡囡，用卡通滤镜特效自拍，两人的外貌都转变成卡通人物，阿聪问囡囡：「你系边个呀？」囡囡回答：「我系苏菲。」之后阿聪开始扮演角色哈尔：「我系哈尔呀，我会保护你㗎，你做紧咩呀？」囡囡淡然回应：「冇做紧啲咩呀！」网民大赞囡囡好可爱，又指她有配音天份：「狂loop咯唔该，佢把声真系好似宫崎骏卡通入面小朋友果啲声。」、「妹妹把声真系好冧！」，不过又有人笑指囡囡不想理会阿聪：「似乎苏菲想走话题终结路线，好可爱啊！」，同时亦有网民表示阿聪配音的《哈尔移动城堡》是自己的童年回忆。