张曦雯牛年有机会结婚麦玲玲批李佳芯冇老板命

2021-03-09 16:44

李佳芯（Ali）、张曦雯（Kelly）和高海宁（Ling）担任《Master's Talk师父有请》嘉宾，麦玲玲师傅指高Ling及Kelly属于鼻高一族，容易吸引人注意，Ali则有桃花眼。Ali说：「我系大众脸，过目即忘喎！以前近视大眼镜，鼻又扁，行过都唔知，升中学之后好似消失一样，无论学业成绩、高度同朋友都唔起眼，人生冇乜机会做过主角！」

Kelly就称自己一化唔同嘅妆就会有唔同嘅样，有三间银行曾经以她做模特儿，行规上本来唔容许，但客户都唔察觉。至于高Ling就透露初入行被负面新闻打击，更曾经患抑郁症要睇精神科，但每次想放弃做呢行，都总会有工作搵上门。

此外，麦玲玲为众人批算牛年运程，指Kelly是天合地合年，有机会结婚、生仔或者买楼；Ali的牛年为变化年，工作上或与另一半的关系都有机会变化，Ali问：「即系一系结婚一系分开？暂时两样都唔系，未有结又未系分，我反而期待事业上嘅突破，我有兴趣搞生意……」但玲玲就直指Ali没有生意命，叫她死心，因她本身野心不大，是很稳定的人，不主动不进取，连做艺人都是相当另类。

關鍵字