【维港会】婚后被奶奶狂催生仔 港女拒绝:有钱唔代表识得教!

不少老人家都希望弄孙为乐，但却未必个个后生仔女都想生。有网民近日于网上大呻奶奶好想抱孙，常常催促她及老公生仔，更要求是一仔一女，但网民坦言两夫妇都不喜欢小朋友，故果断拒绝，引起奶奶不满。

该名网民于Facebook专页「生仔要考牌系列」上投稿，指与老公拍拖8年后结婚，婚后奶奶开始催促两人生仔，更要求是一仔一女，两人果断回答「唔生」后，「奶奶就即刻闹我哋闹到狗血淋头，黑晒口面，讲啲好难听嘅说话」。

奶奶指，「小朋友生于香港真系非常幸福，又有免费教育，又有学生资助，唔惊冇钱就冇书读，边似以前咁样读完小学就要出嚟做嘢，冇钱再读落去咁凄惨？」

「而家咁好嘅机会，梗系要好好珍惜喇，社会资源又充足，成绩好又有奖学金、助学金」、「香港医疗真系非常好！就算小朋友有啲咩缺陷，例如学习障碍、言语障碍，政府又有治疗，所以冇钱真系唔使惊」。

网民面对奶奶的一连串攻势只好无奈上网倾诉，她指，其实与老公的经济环境不错，但是两人真的不喜欢小朋友，「曾经帮家姐照顾个小朋友一阵已经搞唔掂，家姐嘅小朋友读紧小学，成日打交，我哋又唔知点处理」，另外，小朋友喜欢发问，网民亦担心两人只有中学学历未能应付，「唔似得其他有学识嘅家长可以逐步去解释」。

他们认为「唔系钱嘅问题，就算中咗一亿六合彩头奖都好，我哋都系唔会生，有钱唔代表识得教！」

帖子引起网民热议，不少人赞同楼主夫妇的做法，又认为奶奶应尊重两人，「夫妇之间有共识，长辈都要去尊重」、「好好，同另一半一早有共识，有责任想法！」及「唔锺意真系唔好生！最紧要两公婆有共识」等。

资料来源：生仔要考牌系列Facebook