【维港会】男童踩单车探半身出窗社工跟进 母骂儿「我真系好憎你」

有网民早前在社交网站投稿，表示多次发现邻居两个幼童无戴口罩在走廊玩，某次更试过踩在单车上、半身探出窗外张望，引起网民热议。投稿人近日透露，他已将相关相片交由社会福利署跟进，惟有社工上门跟进事件后，听到幼童被妈妈责骂「我真系好X憎你」 。

网民早前在社交媒体Facebook专页「生仔要考牌系列」表示，自己所住的地方同层邻居两名小朋友经常在走廊尽头玩，一名男童更试过有三分之一的身体探出了走廊窗户，甚感担忧，故此致电大厦主任，叫对方提醒小朋友的父母要多加注意他们的行为。投稿人近日再次于同一专页投稿，指大厦主任之后看到相片后亦知事态严重，故此已即时致电家长相谈相关事宜。

投稿人表示，虽然之后数天留意到小朋友较少到走廊玩耍，惟小朋友嘅行为仍然无变，感到十分无奈，决定将小朋友半身探出窗外的相片交予社会福利署：「我哋都唔知可以做得到啲乜，我哋就send咗相俾社会福利署。」大约两天之后，便有疑似社工嘅人上门搵个家长，而投稿人于之后的数天都听不到小朋友在走廊玩的声音。

然而，事件尚未结束。投稿人有一晚在家内又听到邻居「咆哮式」责闹儿子：「我真系好X憎你呀！你知唔知你唔喺屋企嗰几日几好呀？如果唔系因为你哋，我使搞成咁？」 投稿人表示，听到后与丈夫第一个反应是觉得小朋友真是很惨：「你话对小朋友搞成你咁嘅同时，你又有无谂过，可能对小朋友大啲都会同返你讲：『你咁憎我点解又要生我？你又有无问过我想唔想出世呀？』」

投稿人指，最近几天男童似乎已被禁止踩单车，只可以玩滑板车：「唔知系咪阿妈终于觉悟呢？不过呢家人都唔系好信得过，老公话再见到多一次就会报警㗎啦！」他在文末不忿地说，奉劝自问自私无耐性的人不要生仔，无谓在小朋友顽皮时就说他影响自己人生：「带个套先做爱都系用多你少少时间㗎咋！但会救回你个好宝贵嘅人生！」

帖文再次引起网民热议，有人指父母与子女其实是双向关系：「你点教佢，佢咪系点罗 」、「小朋友望落去都5、6岁，冇理由唔知咩叫危险，个家长根本就系放养」。亦有人认为父母怪责子女不合理：「咁佢哋当初系为咩而生？其实佢哋有得选择生唔生！唔好成日郁啲就闹小朋友，啲小朋友好惨！」、「呢个老母买个套唔得既？系要怪责无辜小生命！小朋友佢有得拣来唔来呢个世界咩？」

「生仔要考牌系列」原文：https://www.facebook.com/parentlicenses/photos/a.194781088077005/736361333918975